شەفەق نیوز/ شارەوانی خانەقین سەر وە هەرێم کوردستان ئاشکەرای "شۆرشیگ جۊری" کرد لە پرۆژەیل شارەوانیەگە لەماوەی ئی ساڵە، ک لەماوەی هەفت ساڵ گوزەشتە وەخوەیەو نەدیە لەوەر قەێران دارایی.   

سەرۆک شارەوانی سۆران عەلی وە ئاژانس شەفەق نیوز وت، ساڵ 2022 ساڵ پرۆژەیلە لە وەڕێەوبەرایەتیەگە وەگورەی نەخشە ئامانج هەرێم، دووپاتکرد لە ئی ساڵە بڕیگ پرۆژە دۊنێدە خوەی ک لە ساڵ 2014 تا ئیسە نەدیە وە خوەی. 

عەلی وتیش: وەڕێەوبەراتیەگە دەسکردیە وە پرۆژەیل گەپ لە مانگ ئاب پارەکە وەبان ئی قەیران داراییە ک بۊ، باس لە  جیوەجیکردن پرۆژەیگ تەندروسی لە گەرەک دارەکونارە کرد لە ساڵەیل گوزەشتە ک یەکیگە لە گەرەکە نوویەیل خانەقین. 

وتیش، شارەوانی هەرێم لەماوەی چەن ساڵ گوزەشتە پرۆژەیل هۆڵ و بازیگەی وەرزشی لە پەێمنگەی وەرزشیەگە لە خانەقین جیوەجی کردیە  وەگەرد پرۆژەیلتر لە خانەقین.