شەفەق نیوز/ وەرپرسەیل پارێزگای سنە راگەیانن، ئمساڵ وەبەشداری 85 میوان ک پێکهاتنە لە میللەتەیل جیاواز ئیران، دو ئاهەنگ فراوان لە شار سنە خوەرهەڵات کوردستان وەڕیەوچگن و نۊنەرەیل ریخریاگ یونسکۆ بەشدار بوون،  وەئامانج ئەوەگ سنە جۊر پایتەخت نەوروز تووماربکرێد. 

یەعقوب گەوێڵییان، وەرپرس گشتی کلتور فەرهەنگی، گەشتیاری و کارەیل دەسی پارێزگای کوردستان لە بەیاننامیگ وە رووژنامە نۊسەیل راگەیان، یەکیگ لە هووکارەیل هەڵوژاردن شار سنە جۊر پایتەخت نەوروز ئیران ئەرا ئەوە چوود ک  کورد خاوەن کلتور و فەرهەنگ دەوڵەمەنیگە.

باس لەوەیش کردیە، وەی بوونەیەش لە نەوروز ئمساڵ  کەرنەڤاڵیگ کلتوری فراوان وەبەشداری و ئامادەبۊن 85 میوان ک پێکهاتیە لە میللەتیل جیاواز ئیران وەڕیەو چوود و گشتمان وەگەردیەک ئاهەنگ نەوروز وەڕیەو بەیمن.  

ئیسماعیل زارعی، پارێزگار سنە ئەوە خستەرۊ ک ئمساڵ دو بەرنامەی تایبەت وە نەوروز لە شار سنە وەڕیەوچوود، و شمارەیگ ڕێوڕەسم تایبەت لە شارەگە وەڕیەو چن ک گشت نەتەوەیل ئیران بەشداریی لەلی کەن، لەو چوارچمگە نۊنەرەیل ریخریاگ یونسکۆ ئەرا نەوروز ئمساڵ میوانداری کریانە. 

وتیش "به‌شداریکردن ریخریاگ یونسکۆ ئەرا ئەوەس تەقەلا بیەن سنە جۊر پایتەخت نەوروز توومار بکریەێد".