شەفەق نیوز/ دەسەی هاوبەش تایبەت وە چەودێری زیایچگەیل لە سلێمانی لە چوارچمگ هەرێم کوردستان، ئمڕوو چوارشەممە، راگەیان دەسنانە وەبان بڕ گەپیگ لە هەنگوین ساختە کریاگ لە یەکیگ لە هۆتیلەیل پارێزگاگە.
دەسەگە لە بەیاننامیگ رەسیە ئاژانس شەفەق نیوز باسکرد، " لە ئۆپراسیۆن هاوبەشیگ وەگەرد ئاسایش ئابووری لە پارێزگاگە، دەسنانە وەبان بڕیگ هەنگوین لە هۆتیل (بابوسی)، ک خاوەنەگەی وە نیاز بۊە وە هاوڵاتیەیل بفروشێدەێ".
وتیش؛ دۊای دەسگردن وەبان مادەگە و لەناوبردنی، خاوەن هۆتێێلەگە و تاوانبارەیل ک ئەو بڕە لە هەنگوینە لەلایان دەسوەبانی گیریاگە رادەس دادوەر کریەن ئەرا لێکۆلینەوە.