شەفەق نیوز/ ئمڕوو یەکشەممە، شمارەیگ لە خوەیەخشەیل دامەزراو تەندروسی لە پارێزگای سلێمانی خوەیپیشاندان ئەنجامدان ئەرا داواکاری دامەزراننیان لەبان میلاک هەمیشەیی.
پەیامنێر ئاژانس شەفەق نیوز لە سلێمانی وت؛ دەیان کەس لە خوەبەخشەیل دامەزراوە تەندروسیەیل سنوور پارێزگای سلێمانی خوەپیشاندان ئەنجامدان لە نوای خەسخانەی "هەناو هووکارەیی"، ئەرا داوای دامەزراندن کردن لەبان میلاک هەمیشەیی.
وتیش، فرەیگ لە خوەپیشاندەریل فرەتر لە هەشت ساڵە جویر خوەبەخش کارکەن لە کەرت تەندروسی.
پەیامنێرمان دیاریکرد، خوەپیشاندەرەیل داوای یەکسانیان کەن وەگەرد هاوپیشەیلیان لە پارێزگای دهۆک لەبان میلاک هەمیشەیی دابمەزریەن.
سەندیکای کادرەیل تەندروسی لە سلێمانی چەن ڕووژیگ وەرجە دەرچگن خوەپیشاندەرەیل داوای دامەزراننیان کرد لەبان میلاک هەمیشەیی لە دویای ئەوەگ جیگیر وەڕێەوبەر گشتی سلێمانی هێرش سەلیم سەر وە بزوتنەوەی گۆران لەبان پەرەی تایبەت و فەرمان دامەزرانن شمارەیگ دەرچگ زانکۆ و ئامادەیی پەرەستاری لە زاخۆ بڵاوکرد.