شەفەق نیوز/ قایمقام پارێزگای سلێمانی، ئمڕوو یەکشەممە، بڕیاردا وە بەسین کارگەی ئاسن " ماسترستیل" ک لە چەن رووژ گوزەشتە تەقینەوەیگ دیە خوەی، لەوەر نەوین هویچ مەرجیگ سەلامەتی کراکارەیل لەناوی. 

قایمقامیەت لە بەیاننامیگ باسکرد، لیژنەگەی کارگەی " ماسترستیل" بەسانە ک تایبەتە وە تاوانن ئاسن لە ناوچەی "تانجەرۆ".  

سەرۆک لیژنەی سەلامەتی کراکارەیل لە قایمقامیەت سلێمانی لە بەیاننامیگ راگەیان، ک هویچ مەرجیگ لە سەلامەتی کراکارەیل دابین نەکریاگە لەهەمان کات هویچ مەرجیگ تەندروسی لەناو کارگەگە نییە وەگەرد نەوین ماشین فریاکەفتن و ئامێر ئاشکەراکردن تەقینەوە. 

قایمقامیەت باسکرد کارگەگە بەسانە و خاوەنەگەی رویوەرو یاسا کرێد. 

لە رووژ شەممە نۆی مانگ نیسان لە تەقینەوەیگ لەناو کارگەی ئاسن لە پارێزگای سلێمانی وە مدووی ئاگر کەفتن کەسیگ مرد و وەلایەن کەم 13 کەس زەخمداربوی.