شەفەق نیوز/ سەندیکای مامووستایل هەرێم کوردستان، ئمڕوو دووشەممە، راگەیان پشتگیری نەکردنی ئەرا هەر بڕیاریگ لە وەسانن خوەنەواری لەوەر ڤایڕۆس کۆڕۆنا.
ئەحمەد گەرمیانی سەرۆک سەندیکای مامووستایل کوردستان ئەرا ئاژانس شەفەق نیوز وت: تووشهاتنەکان لە ناونی خوەنەوار و مامووستایل لەو ئاستە نیە ک بڕەسێدە بەسانن مەکتەوەیل، و ئاماژە کرد ک چەن تووشهاتنیگ تۆمار کریا وەلی ئەو مەترسیە نەیرێد، و نەبایەد وە بڵاوبوین لەناو چینە خوەنەواریەکان دانریەێد.
گەرمیانی وتیش: ئەگەر دەسەی باڵا بڕیار وسانن خوەنەواری دا، ئی بڕیارە بوودە خاوەن ئەنجامەیل خراویگ، و دووپات کرد ک سەندیکای مامووستایل هەرێم وەگەرد هیچ بڕیاریگ ئەرا وسانن خوەنەواری نییە.