شەفەق نیوز/ دەزگای تەندروسی لە ئیدارەی سەروەخوەیی لە باکوور و خوەرهەڵات سوریا، ئمڕوو سێشەممە، راگەیان تۆمارکردن سێ مردن لەوەر ڤایڕۆس کۆڤید-١٩.
دکتۆر جوان موستەفا هاوسەرۆک دەزگای تەندروسی لە ئیدارەی سەروەخوەیی لە بەیاننامەیگ رەسیە ئاژانس شەفەق نیوز وت: مردنە نووەکان ئەرا دوو ژن لە حەسەکە و پیاویگ لە قامیشلۆ تۆمار کریا.
جوان موستەفا دووپات کرد ک ١٣٢ تووشهاتن نوو وە ڤایڕۆس کۆڤید-١٩ لە ناوچەیل ئیدارەی سەروەخوەیی ئەرا ٧٦ پیاو و ٥٦ ژن تۆمار کردنە.
تووشهاتنە نووەکان وەیجوورە بەشەوە بوین: حەسەکە ٢١، قامیشلۆ ٤٦، دێریک ١٢، جل ئاغا ٤، ریقە ١٢، تەبەقە ٩، کۆبانی ٧، دێر زۆر ١٣، مەنبج ٥.
وتیش؛ سێ خاسەوبوین نوو تۆمار کردن.
جی باسە ک ژمارەی تووشهاتنەکان لە ناوچەیل ئیدارەی سەروەخوەیی رەسیە ٩٨٩٨، لەلیان ٣٧٥ مرنە، و ١٣٠٣ خاسەو بوینە.