شەفەق نیوز/ دەزگای تەندروسی لە ئیدارەی سەروەخوەیی لە باکوور و خوەرهەڵات سوریا، ئمڕوو پەنجشەممە، راگەیان تۆمارکردن سێ مردن وە ڤایڕۆس کۆڤید-١٩ لە ناوچەیل ئیدارەی سەروەخوەیی.
دکتۆر جوان موستەفا هاوسەرۆک دەزگای تەندروسی لە ئیدارەی سەروەخوەیی لە بەیاننامەیگ رەسیە ئاژانس شەفەق نیوز وت: مردنە نووەکان ئەرا یەک پیاو و یەک ژن لە قامیشلۆ و یەک پياو لە حەسەکە تۆمار کریان.
موستەفا وتیش ٨٦ تووشهاتن نوو وە ڤایڕۆس کۆڤید-١٩ لە ناوچەیل ئیدارەی سەروەخوەیی ئەرا ٤٥ پیاو و ٤١ ژن تۆمار کردن.
تووشهاتنە نووەکان وەیجوورە بەشەوە بوین: ١٨ حەسەکە، ٣٠ قامیشلۆ، ١٤ دێریک، ٤ دەرباسیە، ١ تەل تەمر، ١٢ ریقە، ٧ دێر زۆر، ١ شەهبا.
وتیش؛ ١٥ خاسەوبوین نوو تۆمار کردن.
جی باسە ک ژمارەی تووشهاتنەکان لە ناوچەیل ئیدارەی سەروەخوەیی رەسیە ٩٣٨٣، ٣٤٦ لەلیان مردنە، و ١٢٨٠ خاسەو بوینە.