شەفەق نیوز/ سیروان ساڵح پسپۆڕ کەشوهەوا، ئمڕوو جمعە، هوشداری لە لافاوەیلیگ دا کە ناوچەیلیگ لە هەرێم کوردستان گرێدەو لە ئەنجام ئەو واران رفتە کە مەزەنە کریەێد لە سەرتای هەفتەی ئایندە بوارێد و تا ناوڕاس هەفتەگە وەردەوامە.
لە پۆستیگ لەبان سۆشیال میدیا نویسان؛ ئەگەر واران رفتیگ لە رووژەیل شەممە و یەکشەممە و بەشیگ لە دووشەممە هەس لە ئیدارەیل ناوچەی راپەڕین و سۆران و ناوچە و ئاوایەیل دەورگردیان کە لافاو تیارێد.
وتیش: لە ماوەی دوو رووژ هاتێ واران وە ریژەی ١٥٠ مام بوارێد، و داوا لە دانیشتگەیل ئەو ناوچەیلە کرد کە ناویان هاوریا فرە هووشدار بوون، و نەکفنە نزیک جوو ز دووڵەیل و شوینە نزمەیل.
رووژ چوارشەممەی گوزەشتەیش، ئاراس جەبار پسپۆڕ کەشوهەوا وت: شەپوولیگ لە وەفر و واران بەشەیلیگ جیاجیا لە هەرێم کوردستان پووشێد، کە لە رووژ جمعە دەسوەپی کەێد و تا ماوەی چوار رووژ مینێد.