جەبار لە پۆستیگ لەبان فەیسبووک نویسان: سوو کەشوهاوای هەرێم کوردستان ئارامە، و ئاسمان وەگشتی رووشنە و لەکە ئەورە، و لە بڕیگ لە ناوچەیل سنوور پارێزگای سلێمانی و هەڵەبجە لە ئمشەو تا شەوەکی سوو تەم دروس بوود، ئیجا نیەمینێد.
وتیش: پلەی گەرمی ٣ تا ٤ پلە لە سوو بەرزەو بوود، و گورجی واگە ناوڕاسە تا نیمچە ئارامیگ لە نیمەڕو تا ئیوارە، و تونیەگەی رەسێدە ١٥ تا ٣٥ کم/ س لە باشوور خوەرئاوا.
جەبار وتیش: کاریگەری داوەزین جەمسەری هاتگ لە باکوور ئەوروپا خوەرئاوای تورکیا گرێدەو، و شەپوول خەسیگ لە سەردی و وەفر لەو ناوچە دەسوەپی کەێد، و ئیوارەی سوو رەسێدە باکوور کوردستان، و واران لە ناوچەیل کویەی باکوور پارێزگایل هەولێر و دهۆك دەسکەێدە وارین.
هەرلیوا، دەسەی کەشناسی، ئمڕوو سێشەممە، مەزەنەی کەشوهەوای پارێزگایل هەرێم کوردستان لە ماوەی ٤٨ ساعەت ئایندە راگەیان.
وەڕیەوبەرایەتیەگە لە بەیانامەیگ رەسیە ئاژانس شەفەق نیوز وت: مەزنەی بەرزەوبوین ١-٢ پلەی سەدی لە گەرمی لە ساعەتەیل ئایندە کریەێد، وەگەرد ئەور و واران لە ناوچەیل سلێمانی و گەرمیان و بەشیگ لە ناوچەیل کویە.
بەیاننامەگە وتیش: مەزەنە کریاگە لە ماوەی ٤٨ ساعەت ئایندە پلەی گەرمی وەیجویرە بوود:
هەولێر ٢١
سلێمانی ٢٠
دهوك ١٧
هەڵەبجە ٢٠
سۆران ١٧
گەرمیان ٢٥
زاخۆ ١٨.