سەرۆک هەرێم لە بەیاننامەیگ رەسیە ئاژانس شەفەق نیوز وت، "سەرۆک هەرێم کوردستان نێچیروان بارزانی ، نیمەڕووی ئمڕوو، کووبوینەوە کرد وەرد بالیۆز فەڕەنسا لە عراق باتریک دورێل و وەگەردی گفتوگوکرد لەبارودۆخ ناوخوەی هەرێم، پەیوەنیەیل فەڕەنسا وەرد عراق و کوردستان و پەیوەنیەیل هەولێر و بەغداد".

تەوەریگ ترەک لە کۆبوینەوەگە، بەیاننامەگە وت؛ هەردووگ لا دووپاتکردن لە گرنگی وەڕێوەچگن هەڵوژاردن پەرلەمان لە هەرێم کوردستان وە بەشداری گشت لایەنەیل، و گفتوگویەیل ناوەین حکومەت هەرێم کوردستان و حکومەت فیدراڵی عراق بەرزنرخانن.

لە بەیاننامەگە دیاریکرد، بارودۆخ ناوچەگە وە شیوەی گشتی و کۆمەڵە باوەتیگ  گرنگ لەلای هەردوگ لا، لایەنیگ ترەک  بوی لە کۆبوینەوەگە.