ئێوارەی ئمڕوو، نێچیروان بارزانی، رەسیە ئیدارەی سۆران، لەورا لەلایەن دوو دویەت لە بنەماڵەی شەهیدەیل هاتنە پیرییەو.

نێچیروان بارزانی، لە وتاریگ کە وەی بوونە پیشکەشی کرد، وە ئامادەبوین پەیامنێر ئاژانس شەفەق نیوز، وت: فرە خوەشاڵییە ئەرا ئیمە کە هایمنە مەراسیم دەرچین هەزار و ٣٦٦ گەنجەیلمان، وتیش: لە ساڵ ٢٠٠٩ کە ئیم بڕیار دایمنە ری زانکۆ واز بکەیمن، چەوەڕی ئی رووژە بویمن، یەیش بەشیگ بوی لە بەرنامەی حکومەت ئەرا خزمەتکردن هەرێم.

 نێچیروان بارزانی وتیش: ساڵ 2009 هەناێ بڕیار دایمن ئی زانکۆی واز بکەیمن جویر بەشیگ لە پرۆگرام حکومیمان ئەرا خزمەتکردن ئی هەرێمە، چەوەڕی ئی رووژە بویمن کە زانکۆ و خوەنەوارەیل رۆڵیان لەی هەرێمە بوود.

نێچیروان بارزانی قسەیلی وتیش: “ئیسە دویای 14 ساڵ هاتیمنە بنووڕیمنە رۆڵ زانکۆ لەی ناوچە،”  وتیش: دەڤەر سۆران و دەورگردی ناوەندیگ گرنگە ئەرا شۆڕشەیل کوردستان و شوینیگە ئەرا ئەو خەباتکارەیلە کە خوڵیان کردنە قوربانی ئەرا ئازادی و ئمڕوویش کە چینیگ دەرچگە، وە بەرهەم قوربانیدان ئی هەرێمە دانریەێد.

 نێچیروان بارزانی روی لە دەرچگەیل کرد و وت: وەیجویرە مەزانن وە وەدەسهاوردن ئەو بڕوانامە ئەرکی ئیوە کۆتایی هاتیە، بەڵکم یە سەرەتای خزمەتکردن نیشتمان و بنیاتنانە، کە هەر یەکیگ لە ئیوە  لە بوارەگەی خوەدان پیشبکەفن و بەشداری کاریگەرانە بکەن لە گەشەپیدان وڵات، وتیش: ئیوە پیشەنگی ئایندەیمن و ئایندەی وڵات لە دەس ئیوەس و لەبان شان ئیوەس، ئیوە ئمڕووین، ئایندەی وڵات لە ری پەروەردە و خزمەتکردن و کارکردن وە دڵسووزی و نیشتمانپەروەرییەو دوینیمن، ئەراەە وەرپرسیاریەتی تو گەورەس و تەقەلا و کار جدی خوازێد.

بارزانی  لە هەمیش وت: “دڵنیای من کە ئیوە لە ئاست وەرپرسایەتی بوین، و وە ئامادەبوین رووڵەیل جویر ئیوە، ئایندەی کوردستان خاستر و وە دڵنیاییەو رووشنتر بوود”، وتیش؛ بایەسە گەنجەیل کوردستان تەقەڵا ئەرا بانانیگ خاستر و هەرگیز ری نیەێد قەیران و گیچەڵ بی ئومید بکەن و ری وە بڵاوبوین هویکردن تونەڕەوی نەیەن.

هەرلیوا وتیش: دڵنیابوون قەیرانەگە  و تەقەلایل خەڵک کوردستان رەد بوود، و رەسیمنە ئایندەیگ خاستر”.