وەپای بەیاننامەیگ لە سەرۆکایەتی هەرێم دەرچگە، هەردگلا لە کووبوینەوەگە هویروڕایەیلیان ئاڵشتکردن لەباوەت گرنگی و سەردانکردنەگەی مپێرسێس ئەرا عراق و چەووەپیکەفتن و کووبوینەوەیلی وەگەرد گەورە وەرپرسەیل عراقی، و رووشنایی خسنە بان ئەرک و کارەیل تیم و ئاژانسەیل نەتەوە یەکگرتگەیل لە عراق و هەرێم کوردستان.

لە بەیانامەگە وتیش، سپاس و وەپیزانین ئەرا رۆڵ و پشتگیری وڵاتەیەکگرتگەیل و ئاژانسەیل و رێکخریاگەیلی لە عراق لە مژارە جیاوازەیل، سەرۆک نێچیروان بارزانی دیاریکرد لە تەقەلا و کارەیل یونامی کە دەسمیەتیدەر عراق بویە لەدویای پرۆسەی ئازادی لە دابینکردن ئارامی و پێشکەشکردن دیموکراسیەت و خاسترکردن کار دامودەزگایەیل. 

لای خوەیشەو پێرسێس دیدوڕای خوەی خسەروی لەباوەت ئەرکەیل یونامی لە عراق و داواکاری عراق وە وەدویاچگنکردن گرنگی ئەرکەیل نێریاگ نەتەوە یەکگرتگەیل، دیاریکرد ئەرا تێبینی و رای سەرۆک هەرێم کوردستان لەباوەت  کار و ئەرکەیل وڵاتەیەکگرتگەیل و ئاژانسەگانی لە دەسمیەتی و پاڵپشتیکردن عراق.

لە تەوریگتر کووبوینەوەگە، گفتوگوکریا لە بارودۆخ ناوخوەی هەرێم کوردستان و دویا پیشهاتەیل بارودۆخ سیاسی لە عراق و ناوچەگە وەشیوەی گشتی.