شەفەق نیوز/ نێچیروان بارزانی سەرۆک هەرێم کوردستان، ئمڕوو یەکشەممە، سوپاس خوەی پێشکەش کردە عەبدولڵای سانی شاه ئوردن ئەرا پشتگیریکردن هەرێم کوردستان، و  هەمیش سەرۆک پەرلەمان ئوردن دەسخوەشی لە دەور و پایەی هەرێم کوردستان ئەرا مقەیەتیکردن هاوسەنگی و ئارامی لە عراق و ناوچەگە کرد.

سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: نێچیروان بارزانی سەرۆک هەرێم کوردستان، نیمەڕو ئمڕوو پیشوازی لە عەبدولمونعم عودات سەرۆک ئەنجومەن نوێنەرەیل ئوردن و شاند یاوەری کرد.

بەیاننامەگە وتیش؛ لە کۆبونەوەی سەرۆک هەرێم کوردستان وەگەرد هەردوک جیگر سەرۆک هەرێم و جیگر سەرۆک پەرلەمان و باڵوێز ئوردن لە عراق، باس پەیوەندیەیل هەرێم کوردستان وەگەرد ئوردن کریا ک باسی وە مێژووی کردن، وباس شیوەیل گەشەکردنی کریا.

شاند ئوردن دووپات لە پاڵپشتی شاه عەبدولڵا سانی و وڵات ئوردن ئەرا هەرێم کوردستان کرد، و باس رێز و سوپاسی ئەرا دەور هەرێم کوردستان لە جەنگ دژوە تیرۆر و شکستهاوردن وە داعش کرد

شاندەگە وە گرنگی باس دەور و پایەی هەرێم کوردستان لە چین مقەیەتیکردن هاوسەنگی و ئارامی لە چین عراق و ناوچەگە کرد.

لەلای خوەییش، سەرۆک نێچیروان بارزانی باس لە سوپاس و رێز هەرێم کوردستان ئەرا پاڵپشتی وەردەوام شاه عەبدولڵا سانی و ئوردن کرد چ لە مەوقە سەختیەیلەی گوزەیشتە یا لە مەوقەی ئیسە، و باس ئارازوو هەرێم کوردستان کرد لە بتەوکردن گشت شیوەیل پەیوەندی وەگەرد وڵات ئوردن.

بەیاننامەگە باس کرد م رەوشەیل سیاسی و ئەمنی لە عراق و هەرێم کوردستان و گەشەکردن چینەیل هاوکاری و هاوبەشی، و هەڵبژاردن هاتگ عراق، مەترسیەیل تیرۆر و نواگردن داعش، پەیوەندیەیل هەولێر- بەغداد، و گفتوگۆکردن وەخاتر چارەکردنی، و بڕی لە باوەتەیل تر، تەوەرەیلیگ بوین لە کۆبونەوەگە.