شەفەق نیوز/ نێچیروان بارزانی سەرۆک هەرێم کوردستان، ئمڕوو شەممە، سەرەخوەشی لە شانشین مەغریب کرد، لە دویای ئەو زەویلەرزەی ویرانکەرە کە داد لە وڵاتەگە.
بارزانی لە پوستیگ کە ئاژانس شەفەق نیوز نووڕیەی وت: وەناو گەل هەرێم کوردستان، پرسە و سەرەخوەشی لە گەل شانشین مەغریب کەم، وە کەفتن قوربانیەیل لەی زەویلەرزەی ویرانکەرە، و هاوخومیانیم لەی پرسەی دڵتەزنە.
وتیش؛ داوا لە خودای گەورە کەم قوربانیەیل بخەێدە وەر دروود فراوانی، و زەخمدارەیل وەزوی خاسەو بکەێد.
شەو جمعە لەبان شەممە، زەویلەرزەیگ وەتونەی ٧.٢ پلە لەبان پەیمانەی ریختەر، داد لە هەرێم حوز باشوور خوەرئاوای شار مەراکش.
وەزارەت ناوخوەیی مەغریب، ئمڕوو شەممە، راگەیان کە لەلای کەمەو ٦٣٢ کەس گیانیان لەدەس دان، و ٣٢٩ کەسیش زەخمدار بوین، لە ئەنجام ئەو زەویلەرزە لە وڵاتەگە.