شەفەق نیوز/ نێچیروان بارزانی سەرۆک هەرێم کوردستان، ئمڕوو سێشەممە  خەفەت خوەی لە کوشیان دوو مامووسایەیل زانکۆ ئاشکرا کرد ک لە رویداویگ هەولێر پایتەخت هەرێم کوردستان لەرزان.  

بارزانی لە بەیاننامیگ وت: باس لە نیگەرانی قویلم وخەفەتم ئەرا لەدەسدان دکتۆر کاوان ئیسماعیل ودکتۆر ئیدریس حەمە خان کەم، ک بوینە قوربانی تاوان و کەلەمەیگ وەحشیانە. 

خوەنەواریگ دەرکریاگ لە زانکۆ، شەوەکی ئمڕوو، تەقە لە عەمید کۆلێژ یاسا لە زانکۆی سەڵاحەدین دکتۆر کاوان ئیسماعیل، ومامووستا لە کۆلێژ ئەندازیاری دکتۆر ئیدریس حەمە خان کرد، و هەردوگیان کوشت، وفەرمانبەریگ لە زانکۆ زەخمدار کرد، وە تووڵەی دەرکردنی لە زانکۆ.  

وەڕێەوبەرایەتی ئاسایش هەولێر، دویای تاوانەگە، دەسگیرکردن ئەو تاوانبارە وەو تاوان کوشتنە راگەیان.