لە گردەوبوین جیگیر وەزیر نەفت عراق و وەزیر سامانە سروشتیەیل هەرێم کوردستان ئامادەبوی، گفتوگو کریا لە گام و رێکارەیلە ئەرا دەسوەپیکردن هەناردەکردن نەفت هەرێم کوردستان و گفتوگوکردن لەی باوەتە وەگەرد لایەنەیل پەیوەنیدار لە حکومەت فیدراڵی و حکومەت هەرێم.
بارزانی دووپاتکرد لە گفتوگویەیل و گامەیل حکومەت فیدراڵی و هەرێم کوردستان ئەرا چارەسەرکردن گیچەڵەیل و دەسکردن وە هەناردەی نەفت، دیاریکرد وسیان هەناردەکردن نەفت لە هەرێم زەرەد گەپیگ رەسانییە وە ئەمار گشتی عراق، هویرەو لەوەکەن وە زویترین مەوقە دەسبکەن وە هەناردەکردن نەفت کە هەوەجە کەێد.
لەلایگیش وەزیر نەفت دووپاتکرد لە خواست جددی حکومەت فیدراڵی و سەرۆک وەزیرەیل سودانی ئەرا چارەسەرکردن گیچەڵەیل و دەسکردن وە هەناردە، هەمیش پو‌ختەیگ لەباوەت ئامانج سەردانەگەی ئەرا ھەرێم و ئەنجام گفتوگویەیل لایەنە پەیوەندیداریل حکوومەت فیدراڵی و حکوومەت ھەرێم لەی باوەتە خستەڕوی.
وەزیر عەبدولغەنی راگەیان، رەسنە رێککەفتن وەگەرد هەرێم کوردستان و کۆمپانیا نەفتیەیل و ئەنقەرە، ئەرا هەناردەکردن نەفت عراق ئەرا تورکیا.
سەرۆک نویسینگەی پەیوەندیەیل دەرەوە لە سەرۆکایەتی وەزیرەیل هەرێم کوردستان، سەفین دزەیی، لە 30 ئاب راگەیان، عراق نزیکەی 5.5 ملیار دۆلار زەرەد کردیە، لەوەر وسانن هەناردەکردن نەفت هەرێم.