بارزانی لە بەیاننامەیگ راگەیان " وە رێز و شکۆداریەو یاد شەهیدەیل مەردم مەدەنی بادینان و گشت قوربانیەیل هەڵمەت ئەنفالکردن کەێمن، کە 182 هەزار هاوڵاتی بیگونای کوردستان لە ساڵ 1988وە مناڵ و ژن و پیر و گەنج بوینە قوربانی، سەلام و درود ئەرا گیان پاکیان کلکەیمن".

وتیش" دادگای باڵای تاوانەیل عراق، هەڵمەت ئەنفال وە جینۆساید و تاوان جەنگ و دژ وە مرۆڤایەتی لەقەڵەم دایە، لەوەر یە گیان پاک شەهیدەیل ئەنفال تیەرێمنە هویرەو، دووپاتی کەیمن کە حکومەت خوەی قەرەبویکردن خیزان و کەسوکار قوربانیەیل جیوەجی بکەێد و لە ژانەیلیان کەمەوبکەێد".

وتیش " لەی یادە سپاس و زانستن خوەمان ئەرا مەردم ئازا و دڵسوز هەولێر و بەحرەکە و دەوروگەردی دووپاتکەیمن، ئەوان ئەو رووژە سەختەیلە لە کەمپەیل جێژنیکان  رەسینە هانای لێقومیاگەیل بادینان و دەس دەسمیەتی و هەمکاری ئەرایان درویژ کردنە، خزمەتکردن خاستریگ کەسوکار ئەنفالکریاگەیل و تەبایی و یەک رزی ناوخوەییمان، کار جددیگ و تەقەلاداین ئەرا دوارەنەوین تاوانەیلیگ جویر ئەنفال و ناساننی وە جینۆساید لەبان ئاست جەهان، خاسترین یادکردن و وەفاداریە ئەرا گیان پاک قوربانیەیل ئەنفال و گشت شەهیدەیل کوردستان".

بارزانی وتیش، " بایەت میژوو و گوزەشتەی تاڵ نەتەوەیل عراق وانە و پەن و گاڵدەربوود ئەرا کارکردن وەگەرد یەک و یەکترقبولکردن و مسۆگەرکردن  مافەیل گشت چینەگان عراق نوو، تا کارەسات گوزەشتە دوارەو نەوود و ئازادی و مافە دەستوریەگان گشتمان پارێزراو بوود".