شەفەق نیوز/ عەبدولەتیف رەشید سەرۆک کۆمار عراق، ئەمروو سێشەممە، داوا لە کوردەیل فەیلی کرد قسەیان بوودە یەکیگ تا مافەیلیان وەدەسیان بکەفێد، و ستەم رژیم وەرین لەلیان رفوو بوود.
ئەوەیش لە وتاریگ لەناو کۆنگرەی زانستی ناودەوڵەتی ئەرا جینۆسایدکردن گەل کورد (جینۆسایدکردن کورد فەیلی) لە شار هەولێر هات، ک عەبدولڵا عەلیاوایی لەجیای پیشکەشی کرد.
عەلیاوایی وت: کورد فەیلی یەکەمین قوربانی رژیم بەعس بوی، وەلێ ئاست یەکسانی وەگورەی شایستەی خوەی وەدەسی نەکەفت، و پاپەی باوەتیان نەکریا لە ئاست سیاسی و کۆمەڵایەتی و راگەیانن.
نوینەر سەرۆک کۆمار ئەرا کوردەیل فەیلی وت: گرنگە قسەدان بوودە یەکیگ تا داوایلدان باێدە جی و ئەو ئامانجەیلە ک چەوەڕییان کەین ک کەفێدە بان گەردن گشتی جیوەجی بوود.