شەفەق نیوز/ رێواز فائق سەرۆک پەرلەمان کوردستان، ئمڕوو شەممە، هووشداری لە وەڕیەوبردن داناین یاسای تاوانە زانیاریەگان لەلایەن ئەنجومەن نۆێنەران عراق کرد، لەوەر ئەو کاریگەری مەترسیداریگ لە پاوەنکردن ئازدی رۆژنامەیی لە وڵاتەگە دیرێد.
ئەوەیش لە رسوومەیل راگەیانن راپۆرت ساڵانە لەلایەن ناوەند میتڕۆ ئەرا وەرگریکردن لە مافەیل رۆژنامەنووسەگان هات.
خانمە سەرۆک پەرلەمان کوردستان وت: ئەنجومەن نۆێنەران یەکەم و دوویەم خوەنستن لە پڕۆژەی یاساگە تەواو کرد، و تەنیا دەنگدان لەبانی مەنیە، وتیش؛ ئی یاسا مەترسی گەورایگ لەبان رۆژنامەنووسەگان عراق دروس کەێد.
هەمیش وت: بایەدە دووارە بنووڕیەێدە یاسایل تایبەت وە رۆزنامەوانی، و ئاماژە کرد ک دادوەرەگان وەگورەی خراو وەکارهاوردن ماڵپەڕەیل پەیوەندیە کۆمەڵایەتیەگان سزای رۆژنامەنووسەگان دەن، و ئەیە کار هەڵەیگە.