شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو یەکشەممە، پەیوەندییگ تەلەفۆنی وەگەرد موستەفا کازمی سەرۆک وەزیرەیل فیدڕاڵی کرد.
حکومەت هەرێم لە بەیاننامەیگ رەسیە ئاژانس شەفەق نیوز وت: لە پەیوەندیە تەلەفۆنیەگە، سەرۆک حکومەت هەرێم کوردستان باس لە پرسە و هاوخەمی خوەی وەگەرد قوربانییەیل رووداوە دڵتەزنەگە لە خەسەخانەی ئبین خەتیب لە بەغداد کرد.
سەرۆک حکومەت هەرێم دووارە ئامادەیی دامەزراوەیل حکومەت هەرێم ئەرا پێشکەشکردن گشت دەسمیەتەیل و پشتگیری راگەیان، و هەمیش باس لە ئومید خوەی کرد ئیجوور کارەساتیگ دووارە رەی نەیەێد.
هەر لیوا، سەرۆک وەزیرەیل فیدڕاڵی باس لە سوپاس و رێز خوەی ئەرا هاوخەمی و پشتگیری سەرۆک حکومەت هەرێم کوردستان کرد.