شەفەق نیوز/ وەڕێۆبەرایەتی پۆلیس ئیدارەی گەرمیان لە هەرێم کوردستان، ئمڕوو پەنجشەممە، خەوەردا لە زەخمداری سێ کەس یەک ژن هاناویان، ئەوەیش لە مەوقەی جیوەجیکردن دژی ماڵیگ لە ناحیەی رزگاری سەروە قەزای کەلار.

وەڕێۆبەرایەتی راگەیانن پۆلیس، موقەدەم عەلی جەمال قەدوری لە بەیاننامەیگ ئمڕوو وت: دوێەشەو، دوو پیاو و یەک ژن روی وەرەو ماڵ کابرایگ کردن کار لە فرووشتن گاز ئاشکردن کەێد، و ماشین گازفرووشتنەگەی ناگەسە دەر ماڵەگەی لە ناحیەی رزگاری، و دیاری کرد ک ئەو کەسەیلە بڕێ لەو بوتوڵ گازەیلە دزین، و خاوەن ماڵەگە ئاگادار بوی تا دزەیلە بووان.

و دیاری کرد ک خاوەن ماڵەگە گیر کردە ماشینەگە ک دزەیلە راننەی، و ئەوانیش زیان خاوەنەگەی دان و لە ماشینەگە وەشاننەی.

قەدوری وتیش؛ توومەتبارەیلە وە تونی ماشینەگە مارکەی (واز) رانین وەرەو جادەی کفری، و ماشینەگە وەپیان قەڵبەو بوی، وتیش؛ خاوەن ماڵەگە کەفتە وەر زەخمداری سەختیگ تا بخریەێدە خەسەخانەی سلێمانی.

وەڕێۆبەرایەتی راگەیانن پۆلیس وتیش؛ دووان لە توومەتبارەیلە زەخمدار بوی، و بریانە خەسەخانەی شەهید هەژار لە کەلار، و وەگورەی مادەی ٤٤٦ و ٢٣ لە یاسای هاتوچوو دەسگیر کریان.