ئەوەیش لە وتاریگ هات کە لەناو رسوومەیل دەهەم ساڵیاد جینۆسایدکردن ئێزدیەیل پیشکەشی کرد کە لە شار هەولێر پایتەخت هەرێم کوردستان وەڕیەو چگ، وە ئامادەبوین نێچیروان بارزانی سەرۆک هەرێم کوردستان و بڕ فرەیگ لە وەرپرسەیل حکومەتی و کەسایەتیەیل سیاسی و کۆمەڵایەتی لە ئاست هەرێم کوردستان و عراق و نوێنەرەیل شاندەیل دیبلۆماسی.

پڕۆفیسۆر شارپ وت: ئێزیدیەیل وە درویژایی میژوو، دوید فرەیگ کیشان، و ئمڕوو کەهوم ساڵە لەبان ئەو جینۆسایدە کە وەسەریان هات، و دیاری کرد کە ئی تاوان بەدە ریخریاگ داعش وەبان مەردم فرە ئاشتیخوازیگ جیوەجیی کرد، تەنیا لەوەر جیاوازی باوەڕیان، کە هەزاران ژن و مناڵ ئێزدی وەشیوەیگ فرە ناشرین کوشت، و ژنەیلیان رفیان، تەنیا هویرکردن وەی کردەوە فرە سەختە.

وتیش: ئمڕوو گەشبینیمن وە بانان ئێزدیەیل، و یەیش دڵخوەشیە، و ئیمە لە زانکۆی کوردستان هەولێر، بایەسە ئەوەگ وەسەر ئێزدیەیل هات بخەیمنە ناو هویرمان نەوەیل هاتگ، و بایەسە بابەند وە بنەمایل یەکسانی و برایەتی بویمن، و هەمیش خوازیمن رەسینەوەی زانستی ئەرا راسیەیل میژووی بیاشتویمن، و بایەسە رووشنایی بخەیمنە بان سەختیەیل وەرین کە وەسەر مەردمەیل هات تا دووارەو نەوون.

سەرۆک زانکۆی کوردستان، راگەیان کە 10 کورسی خوەنەواری نوو ئەرا خوەنەوارەیل ئێزدی لە هەر کۆلێژیگ بخوازن لەناو زانکۆی کوردستان لە هەولێر.

لە کۆتایی قسەیلی وتیش: سوپای لە سەرۆک نێچیروان بارزانی کرد کە هەمیشە جی ئومید دیبلۆماسی و وەیەکەوژیان لە ئاست ناوچەگە و جەهان وەگشتی بویە، لەبان ئەو رەنجەیلە کە لە گشت چینەیل پیشکەشی کەێد.