شەفەق نیوز/ وەزارەت گواستنەوەی عراق راگەیان، روانگەیل زەویلەرزە لە دەسەی گشتی گشناسی و زەویلەرزە، ئمڕوو جومعە، زەویلەرزەیگ توومارکردنە ک دایە لە قەزای کەلار سەر وە ئیدارەی گەرمیان.
لە راپۆرتیگ ک دەسەگە دەری کردیە ئاشکەرایکرد، زەویلەرزەگە لە ساعەت 11:54:50 شەوەکی وە وەخت ناوخوەیی توومارکریایە، تونیەگەی رەسیە (3،7) پلە و دویری (13) كم خوەرئاوای قەزای کەلار.
وەپای راپۆرتەگە، " هاوڵاتیەیل ناوچەگە هەس وەپی کردنە".