شەفەق نیوز/ خاوەن دوکانەیل بازرگانی لە پارێزگای سلێمانی، ئمڕوو سێشەممە، دووپاتکردن داواکاری تۊژەیل جوراو هالەبان جگارەی ئەلکترۆنی سەنیین وەتایبەت وەلایەن گەنج و مناڵەیلە، وتیش؛ هەرچەن داواکاری لەبانی کەمەو بۊیە لە دۊای ئاگاداری تەندروسی ک پزیشکەیل هوشداری دان ئی جۊرە مادەی سەرەتانی هەڵگردیە و کاریگەریەیلی فرەترە لە جگارەی ئاسایی.
ئەحمەد عەلی یەکیگە لە خاوەن دوکانەیل فروشتن جگارەی ئەڵکترۆنی وە ئاژانس شەفەق نیوز وت، " فرەیگ لە تۊژەیل کۆمەڵگە وە تایبەت گەنجەیل پەنا ئەوەن ئەرا سەنین ئی جۊرە جگارە ئەلکترۆنییە و مناڵەیلیش تاقیکەنەو جۊر لە گەورەیل.
وتیش، " لیرە جۊرەیل جوراوجور لە جگارەی ئەلکترۆنیوە نرخەیل جیاواز هەس وەگورەی خوازین بسینەیل" وتیش، " داواکاری لەبانیان کەمەو بۊیە لە دۊای ئەوەگ وەڕێەوبەرایەتی تەندروسی هوشداری دا و قەیەغەی هاوردەکردنی کرد".
پزشکەیل وپسپۆرەیل لە هەرێم کوردستان عراق هوشداری دان لە زەرەدەیل تەندروسی رخبەرەیل ک پەیوەنی وە وەکارهاوردن جگارەی ئەلکترۆنی دیرێد، وەشیوەی فراوانیگ بڵاوبۊیە لە هەرێم، جۊر جیگرەوەیگ ئەرا جگارەی تۊەتن ئەرا دەسمیەتیدان مەدەنیەل لە وازهاوردن جگارە.
دکتۆر عەلی تالب ئەرا ئاژانس شەفەق نیوز دیاریکرد، " شلەی وەکارهاوریای لە بڕیگ جۊرەیل جگارەی ئەلکترۆنی بریتیە لە تێکڵایگ لە مادەی نایترۆزامین سەرەتانی و شلەگەی تر وەکار تیەێد جۊر دژە یەخبۊن ک زەرەرد گەپیگ وە تەندروسی دەێد".
تالب وتیش، " لەو باوەڕەس ک زەرەدەیل جگارەی ئەلکترۆنی زیاترە لە جگارەی ئاسایی، چۊنکە رێژەی جیاوازیگ نیکۆتین و ماددەی کیمایی هالەناوی ک بووودە هووکار بیماری سۊیە و سینگ رخبەریگ".
وتیش؛ رێکخریاگ تەندروسی جەهانی و وەڕەوبەرایەتی تەندروسی و خۆراک ئەمریکی هوشداری دانە لەباوەت رخەیلەی وەکارهاوردن جگارەی ئەلکترۆنی".
فرەیگ وڵاتەیل قەیەغەی جگارەی ئەلکترونی کردنە لەمابەینیان عراقە، باوجی تائیسە لەبازارەیل هەس و بازرگانی وەپی کریەێد.