شەفەق نیوز/ سەرچەوەیگ ئەمنی لە کەرکوک، ئمڕوو پەنجشەممە، خەوەردا کە مفوەزیگ لە پولیس لە ئەنجام پەلاماریگ چەکدار زەخمدار بوی، و هیزیگ هاوبەش توەنست داواکریاییگ دەسگیر بکەێد، لە دوو رویداو جیاجیا لە پارێزگاگە.
سەرچەوەگە ئەرا ئاژانس شەفەق نیوز وت: مفوەزیگ لە بنکەی پولیس رەحیم ئاوا کەفتە وەر تەقەی دەوانچەی کابرایگ و پای راسی زەخمدار بوی، و کابرا وەرەو شوین نادیاریگ وای.
سەرچەوەگە وتیش: هیزیگ لە پولیس رەسیە شوین رویداوەگە و لێکۆڵینەوە وەرد زەخمدارەگە واز کرد، دویای بردنی ئەرا خەسەخانە، و دویای گردەوکردن زانیاری دەرکەفت کە ناکۆکی ناوەینیان بویە، و ناو و شیوەی کابرا بڵاو کریا دا دەسگیر بکریەێد.
لە رویداویگ ترەک، سەرچەوەگە وت: هیزیگ هاوبەش توەنست کابرایگ خەڵک بەغداد دەسگیر بکەێد کە وەگورەی مادەی ٤١٥ لە یاسای سزادان داوا کریاس، و لە دادگای رەسافەی بەغداد یاداشت دەسگیرکردن لەبانی دەرچگە.