شەفەق نیوز/ وەڕێەوبەرایەتی هاتوچو ئیدارەی سەروەخوەی راپەڕین لە هەرێم کوردستان، ئمڕوو شەممە، زەخمداری چوار کەس راگەیان، لە ئەنجام رویداویگ هاتوچو لەبان ری ناوبەین ناوچەیل حاجیاوا و سەرچاوە.
وەڕێەوبەرایەتیەگە لە بەیاننامیگ رەسیە ئاژانس شەفەق نیوز وت: رویداویگ هاتوچو کەفتە ناوبەین دوو ماشین یەکیگ مارکەی "ئۆپڵ" وئەوەکە "نیسان سەنی" لەبان ری ناحیەی حاجياوا وناوچەی سەرچاوە.
وەڕیەوبەرایەتیەگە وتیش: رویداوەگە بویە هووکار زەخمداری چوار کەس وە زەخمەیلیگ جیاجیا، رەسیانە خەسەخانە.