زەخمداری ٥ مەدەنی وە رووداویگ هاتووچو لەناوبەین دیالە و کوردستان
شەفەق نیوز/ سەرچەوەیگ خۆجێیی، ئمڕوو چوارشەممە، خەوەردا لە زەخمداری پەنج مەدەنی لە رووداویگ هاتووچو لەبان ری ناوبەین پارێگای دیالە و هەرێم کوردستان.
سەرچەوەگە ئەرا ئاژانس شەفەق نیوز وت: پەنج مەدەنی لەوەر رووداویگ هاتووچو لەبان ری خانەقین - کەلار زەخمدار بوین، دویای لادان ماشینەگەیان و قەڵبەوبوینی لەناوچەی سەوزبڵاغ.
سەرچەوەگە وتیش؛ زەخمدارەیل وەرەو خەسەخانە بریان.