شەفەق نیوز/ وە فەرمان مەسرور بارزانی سەرۆک حکومەت هەرێم کوردستان، بڕیار خانەنشینکردن 2 ھەزار و 61 ئه‌فسه‌ر و پله‌دار فەرماندەیی هیزەیل 80ی سه‌ر وە وەزارەت کاروبار پێشمه‌رگه کریا.
فه‌رمانگه‌ی میدیا و زانیاری حکومەت هەرێم كوردستان، بڵاوی کردیە: "وەخاتر هیناندەی دادپەروەری لە رێکخستن رزەیل هیزەیل پێشمەرگەی کوردستان پەیوەست وە بابەت بەرزکردن پلەی سەربازی و خانەنشین کردن هیزەیل پێشمەرگەی کوردستان، ولە چوارچیوەی جیوەجیکردن یاسای چاکسازی کابینەی نوهەم حکومەت هەرێم کوردستان، وە فه‌رمان مه‌سرور بارزانی، سه‌رۆك ئەنجومەن وەزیرەیل بڕیار دریا وە خانەنشینکردن 2 ھەزار و 61 ئه‌فسه‌ر و پله‌دار فەرماندەیی هیزەیل 80ی سه‌روە وەزارەت کاروبار پێشمه‌رگه".
باس ئەوەیش کەێد: "حکومەت ھەرێم کوردستان ستایش رۆڵ پێشمەرگە قارەمانەیل کەێد و خەبات و مەینەتی بوینیان بەرز نرخیەێد، هەرلیوا کار کەێد ئەرا رێکخستنەوەی تەواو هیزەیل لە چوارچیوەی هیزیگ تۆکمە و رێکخراو وەخاتر مقەیەتیکردن سەقامگیری و ئاسایش هەرێم کوردستان و وەرگری کردن لەو دەسکەفتەیلە ک وە خوین ھەزاران شەھید وەدەس هاتیە".