شەفەق نیوز/ ئالان حەمە سەعید وەزیر پەروەردەی هەرێم کوردستان، ئمڕوو چوارشەممە، راگەیان ک هیزەیل پولیس و وەڕیەوبەرایەتی وەرگری شارستانی لە پارێزگای دهۆک، توەنستن گیان نزیکەی ٦٠ خوەنەوار لە تەقینەوەگەی پیرەشەو رزگار بکەن.

حەمە سەعید لە کۆنگرەیگ رووژنامەوانی وت: سوپاس دەزگایل ئەمنی و وەرگری شارستانی لە دهۆک کەیمن، ک وە کوتپڕ رەسینە هانای گشت کەسەیل لەناو بیناگە.

وتیش: رائید سدقی بەرواری وەگەرد بڕیگ لە برایلمان لە پولیس ک وە کوتپڕ رەسینە شوینەگە، دەسکردنە رزگارکردن ئەو خوەنەوارەیلە ک تەلەفۆنیان کردن، ک ٥٦ خوەنەوار لەناو بیناگە بوی، وتیش: ئەفسەرەگەیش وەگەرد بڕیگ لە هاوڕیەیلی وەخاتر رزگارکردن خوەنەوارەیل خوەیان کردنە قوربانی.

وەزیرەگە وتیش: یەک خولەک لە گشت مەکتەوەیل هەرێم کوردستان  ئەرا گیان قوربانیەیل تەقینەوەگە وسیان، و فەرمان دایمنە  وەڕێەوبەرایەتی پەروەردەی پارێزگای دهۆک، ناو یەکیگ لە مەکتەوەیل وەناو رائید عەلی سدقی بنەێد، وەخاتر ئەو قوربانیە ک پیشکەشی کرد.

پیرەشەو لە وەخت دیریگ، پەنج کەس گیانیان لەدەسدان و ٤٣ کەسیش زەخمدار بوین، لە ئەنجام تەقیان ئەمار گاز لەناو بەش ناوەخوەیی خوەنەوارەیل، لە شار دهۆک.