شەفەق نیوز/ وەڕێەوبەرایەتی پۆلیس گەرمیان، ئمڕوو یەکشەممە، راگەیان لە قەزای كەلار دوو تومەتبار دەسگیرکریان ك ماتۆڕسکیل هاوڵاتیەیل دزینە.  

عەلی جەمال قەدووری موقەدەم مافپەروەر ئمڕوو لە بەیاننامیگ وت، پۆلیس بەش نەهیشتن تاوانی گەرمیان دویای سكاڵای هاوڵاتیەیل لەبان دیاردەی دزین ماتۆر سكیل خاوەن پیشەوەر و كاسبكارەیل مەفرەزەیل بەش نەهێشتن تاوان گەرمیان دویای لێكۆڵینەوە و وەدویاداچگن توەنستن دووتۆمەتبار دەسگیربكەن ک لەناو قەزای كەلار تەنیا لە دوو رووژ جەژن و رووژەیل وەرجە جەژن چوار ماتۆڕسكیل دزینە. 

دیاریکرد، ئەو توومەتبارەیلە ئیرنگە دان وە تاوانەیلیان نانە و وەبڕیار دادوەرو وەپای مادەی 446 بەندكریانە.