شەفەق نیوز/ پەرلەمان کوردستان عراق، ئمڕوو پەنجشەممە، شەرمەزار گورزەیل دووارەوبی ئیران لەبان پارێزگایل هەولێر و سلێمانی کرد، ک دەیان قوربانی و زەخمدار خست.
هێمن هەورامی جیگر سەرۆک پەرلەمان لە بەیاننامەیگ لەباوەت گورزەیل ئیران وت: وەناو پەرلەمان کوردستان، وە تونی شەرمەزار ئەو پەلامار و گورزەیلە کەیمن، و نەبایەت وە هەر دەسپیچگیگ وەردەوام بوود.
وتیش: ئیمە پەیوەندی خاسیگ وەرد دەوڵەتەیل هاوسا وەگورەی هاوسایەتی خاس خوازیمن، و دەسوەرنەیان وە کاروبار ناوخوەیی ورێزگردن وەرانوەریەک ئەرا سەروەری زەویەل، و جەخت لە گرنگی وەکانەهاوردن زەویەیل هەرێم کوردستان ئەرا پەلامارداین دەوڵەتەیل هاوسا کرد.
هەورامی داوا لە حكومەت فیدراڵی و کۆمەڵگای ناودەوڵەتی کرد سنووریگ ئەرا ئی پەلامارەیلە بنەن ک سەروەری زەویەل هەرێم کوردستان و عراق پیشێل کەن.