شەفەق نیوز/ سەرچەوەیگ خۆجێیی لە پارێزگای دیالە، ئمڕوو جمعە، خەوەردا لە رفانن مەدەنییگ لە دەورگرد قەزای موقدادیە لەلایەن نەناسریاگیگ.
سەرچەوەگە ئەرا ئاژانس شەفەق نیوز وت: ماشینیگ مارکەی میتسۆبیشی نەناسریاگەیلیگ لەناوی بوینە، مەدەنییگ لە دەورگرد قەزای موقدادیە لەنزیک ئاوای حەساویە سەروە ناحیەی وجێهیە رفان، و وەرەو شوون نادیاریگ بردەی.
وتیش؛ هێزە ئەمنیەگان لە مینەکردن رفیایەگە وەردەوامەن، و ئاگادار گشت خاڵەیل وەشکین و دەوریەگان لە ناوچەی موقدادیە کردن.