شەفەق نیوز/ وەرێەوبەر ناحیەی سیدەکان سەر وە ئیدارەی ناوچەی سۆران لە باکوور شار هەولێر لە هەرێم کوردستان، ئمڕوو چوارشەممە، خەوەردا لە دوارە تووپوارانکردن ناوچەیل ناحیەگە وەلایەن ئیرانەو.
ئحسان چەلەبی وە ئاژانس شەفەق نیوز وت" تووپوارانەگە لە ساعەتەیل سەرەتای شەوەکی دەسوەپی کردیە، باوجی لە رووژەیل گوزەشتە خەستر بوویە"، ئاشکەرایکرد" پەلامارەگە تا ئیسە هویچ مردن و زەخمداریگ لەلی نەکەفتیەسەو".
لە رووژ شەممەی گوزەشتەوە، تووپ ئیرانی پەلامار ناوچەی سیدەکان دەێد، سوپای پاسداران پەلامارەگە گردیەسە ئەستۆی خوەی، و ئوشێد بنکەی " کۆمەڵیگ تیرۆرست" کەێدە ئامانج ک تەقەلای بردنە چەک دەن ئەرا شارەیل سنووری بوەن و بویسە هوکار ئاژاوەگێری لە ئیران.