شەفەق نیوز/ خەسخانەی رزگاری لەشار هەولێر بڵاوکرد، ئەرا یەکەمجار لە خەسخانەیگ حکومی هەرێم کوردستان لەرێ نەشتەرگەری دەگمەنیگ دەن پیاویگ لە دەن ژنانەوە ئەرا پیاوانە ئاڵشت کریا.
خەسخانەی رزگاری لە بەیاننامەیگ راگەیان، هەفتەی گوزەشتە ئەرا یەکەمجار وە لایەن ستاف نەشتەرگەریی قوڕێ و لۊت و گوش جۊرە نەشتەرگەری دەگمەنیگ ئەرا پیاویگ کریا، ک دەنی ناسکیگ جۊر ژن داشت، باوجی توەنستن دەنگی ئاڵشت بکەن ئەرا دەنگ پیاوانە و نەشتەرگەریەگە وەسەرکەفتی ئەنجامدریا.
پزیشکەیل نەشتەرگەرییەگە باس لەوە کەن، بەشیگ لەپیاوەیل ئەو گرفتە دێرن ک وەگەرد چۊنە ناو تەمەنیان،
دەنی منداڵییان جۊر خوەی مینێد و ئاڵشت نێوود لەوەر ئەوە لە رێ نەشتەرگەریی خرتنە و قوڕی تۊەنریەێد دەنگ ئاڵشت بکرێد، لەوەر ئەوە ئەو هاوڵاتییە دۊیای هەفتەیگ لە نەشتەرگەرییەگە ئاگاداریان کردیە ک هەست وە ئاڵشتبۊینی دەنی کردیە.
خەسەخانەگە باس لەوە کردیە، ئەندامەیل ستاف نەشتەرگەرییەگە پێکهاتبۊن لە پزیشکەیل پسپۆر د.هێمن شوانی، د.بەشیر خۆشناو، پزیشکی نیشتەجی دێرین د.دەریا یوسف و پەرستارەیل خاتو حسیبە عومەر و هەڵاڵە عومەر، وەگەرد سەرکەوت هیمداد لێپرسراو بەش.