شەفەق نیوز/ لە شار هەولێر پایتەخت هەرێم کوردستان، ئمڕوو شەممە، پیشانگایگ تایبەت وە ئامادەکردن ئاهەنگەیل سویر دروس کریا، لە وەختیگ یە وە یەکەمین پیشانگایگ لەی شیوەی لە ئاست عراق دریەێدە قەڵەم.
پەیامنێر ئاژانس شەفەق نیوز وت: ٢٥ کۆمپانیا لە چین ئامادەکاری ئاهەنگ و سویرەیل و دویرانن شەوی سویر لەو پیشانگا بەشداری کردن ک یە یەکەمین جارە لە عراق بوود.
دیزاینەر ژوڵە بەکر ک لە پیشانگاگە بەشداری کەێد، ئەرا ئاژانس شەفەق نیوز وت: ئمڕوو لەی پێشانگا وە بڕیگ دیزاین تایبەت بەشداری کردم، ک کار لە یەکیگ لە شەیوەیل سویرەگە نزیکەی دوو هەزار ساعەت وە کارەگەی چگە، و گشتی وەدەس کریاگە.
لەلای خوەییش، ئەحمەد تنیاوی خاوەن یەکیگە لەو کۆمپانیایلە ک لە پیشانگاگە بەشداری کەن، ئەرا ئاژانس شەفەق نیوز وت: کۆمپانیای ئیمە تایبەتە وە ئامادەکردن وەوی و ئامادەکردن گشت خوازینەیل سویر، و ئیجویر پیشانگایگ دەر ئەرا گەرمکردن بازاڕ ئەو خزمەتەیلە واز کەێد ک کۆمپانیایل ئی چینە پیشکەشیان کەن.