وەڕێوەبەر گشتی وەڕێوەبەرایەتی ئاسەواری کوردستان، کەیفی مستەفا لە چەوپیکەفتنیگ ئەرا ئاژانس شەفەق نیوز، وت: "ئمڕوو یاداشتیگ لەیەکفامستن لەناوەین وەڕێوەبەرایەتی گشتی ئاسەواری هەرێم و دەزگای مۆسیقای کلاسیکی عەرەبی واژوو کردیمن ئەرا ناسانن مۆسیقای ناوچەی میزۆپۆتامیا و شارستانیەت سۆمەری لەناو دامەزراوەی مۆسیقای کلاسیکی عەرەبی، جویر بەشیگ لە شارستانیەت میزۆپۆتامیا و میژوو کویەنەی سۆمەری".

مستەفا وتیش: "لە 40% ناوچەیل هەرێم کوردستان وەشکین کردیمنە و زیاتر لە 5 هەزار ناوچەی شوینەواریی هەرێم توومار کردیمنە، یەیش بەشیگە لە تەقەلای مقیەتیکردن ناوچە شوینەوارییەیل لەژیر چەودیاریکردن حکومەت هەرێم، کە هاوکارمانە لە روی داراییەو، بیجگە لە بوین ئاستیگ هووشیاری لەناو هاوڵاتیەیل لە هەرێم  ئەرا مقیەتیکردن شوینەوارەیل."

وتیش: "هیمان یاداشت لەیەکفامستن وەگەرد دامەزراوە و دەزگا تایبەتمەنەیل لە بوار ئاسەواری نییە ئەرا وەدیهاتن وەشکینیگ تەواو لە ناوچەیل هەرێم کوردستان و دەسنیشانکردن ناوچە شوینەوارییەیل وە هاوکاری وەگەرد ئەو دەزگایلە".