شەفەق نیوز/ ئالان حەمە سەعید وەزیر پەروەردە لە حکومەت هەرێم کوردستان، وت: ئەنجومەن وەزارەت پەروەردە لە کۆتایی ئی هەفتە گردەو بوود، تا نووسەی دەسکردن وە ساڵ خوەنەواری نوو دیاری بکەێد.
لە قسەیلی ئەرا بڕیگ لە رووژنامەنویسەیل وە ئامادەبوین پەیامنێر ئاژانس شەفەق نیوز وت: بەشیگ لە مەکتەوەیل نا حکومەتی دەسکردنە دەوام، چوینکە کار وە سیستەم ناودەوڵەتی کەن و و خشتەی وەخت دیاریگ دیرن، وتیش؛ لە کۆتایی ئی هەفتەی مەوقەی دەسکردن وە ساڵ خوەنەواری ئمساڵ ئاشکرا کریەێد.