شەفەق نیوز/ کریکاریگ لە پارێزگای سلێمانی، لە هەرێم کوردستان، ئمڕوو پەنجشەمە، دویای کەفتنی وەناو بیریگ مەوقەی کارکردنی لە قەزای سەید سادق، گیانی لەدەسدا.
تەها ئەحمەد، وەرپرس بەش راگەیانن قایمقامیەت قەزای سەیدسادق، راگەیان: پیاویگ ک كریكاری کەێد، کەفتیەسە ناو بیر قویلیگ، ئەویش ک زەخمدار بویە، نەتوەنستیە لەناو بیرەگە دەرچوود و خوەی رزگار بکەێد.
وتیش: پیاوەگە لەوەر سەختی زەخمەیلی گیانی لەدەس داگە، و قوربانیەگە كاری هەڵکەنین بیر بویە و یە ساڵەیل فرەیگە ئەو کارە کەێد.
وەپەی زیانیاریەیل، قوربانیەگە ناوی ''عەلی نەجم''ـە و دویای رویداوەگە تەرمەگەی ئەراک پزشک دادوەری بریا.