شەفەق نیوز/ دویای ئەوەگ ئمشەو مەسرور بارزانى سەرۆک حکومەت هەرێم کوردستان وێنەى بارهەڵگر هەناردەكردن ئەنار وەرەو دەیشت وڵات بڵاو كرد،و ڕاگەیان " پەیمانمان هاوردیمنە جی"، بازرگان ئەنار  ئمساڵ دوو هەزار تەن ئەنار هەناردەی دەیشت کەن.

فەرەیدون نامدار وەڕیەوبەر کۆمپانیاى سازان ئەرا ئەنار وت: "وەپەی ئەو گریەبەسەیە، ئمساڵ دوو هەزار تەن ئەنار هەناردەى دەیشت کەیمن ئەراوە  دەسکردیمنە  هەناردەکردن و تا ئیسە 500 تەن هەناردە کردیمنە."

وتیش: ئەنارەگە هن هەڵەبجە و زاخۆە، هەناردەى چوار وڵات کریەێد  جویر لە قەتەر، کوێت، ئیمارات و بەڕیتانیا.

باسى ئەوەیش کرد، بەرنامە دیرن ئەنار هەرێم کوردستان بکەنە بڕاندێگ جەهانی و ئەرا ساڵەیل بانان هەناردەی ناوچەیل تریس بكەن، وەمەرج کوالێتى و تام خاس و لە ئاست ستاندەر بوود.