قاڕدی ئەرا ئاژانس شەفەق نیوز وت: یەکەم دویەت لە تەمەن ١٠ ساڵان، وەناو خۆناف خەڵک ئاوای کۆجوە، و دویەمەگە٨لا تەمەن ٢٤ ساڵان وەناو خۆناف، خەڵک ناوچەی تەل عەزیزە، و لەساڵی ٢٠١٤ وەدەس ریخریاگ داعش لە شنگال رفیانە.
قائدی دووپات کرد کە نێچیروان بارزانی سەرۆک هەرێم کوردستان وەردەوامە لە تەقەلایل مینەکردن ژن و مناڵەیل ئێزدی لەوانە کە هیمان هاتە چنگ داعش و لە کارکردن ئەرا ئازادکردنیان.
وتیش: هیزەیل هەسەدە هاوکارییگ خوازیاگ لەی تەقەلایلە نشان نیەن، دووپاتیش کرد کە ئی کارە ئەرا جیوەجیکردن ئامامجەیل مرۆیی وەڕیەو چوود، و پەیوەندی وە ئەجندای سیاسی نەیرێد.
داڵگ یەکیگ لە دویەتە رزگاربویەیل ئەرا ئاژانس شەفەق نیوز وت: دویەتەم تەمەنی تەنیا سێ مانگانە بوی هەناێ رفیا، و فرە چەوەڕی کردم تا ئی رووژە وەچەو بوینم، سوپاس ئەرا خودا و ئەرا هەر کەسیک دەسمیەتی ئیمە داگە.
لە ساڵ ٢٠١٤، ریخریاگ داعش قەزای شنگال داگیر کرد، و کوشتاریگ وە خەڵکەگەی کرد، وەرجەیەگ هیزەیل پیشمەرگە لە ساڵیگ دویای ئەوە گلیەو بیەن.
باوجی سوپای عراق وە پاڵپشتیکردن حەشد شەعبی دەس نادە بان قەزاگە، دویای ئەو ناکۆکییە ناوەین هەرێم کوردستان و حکومەت فیدڕاڵی لە پشت ریفراندۆم سەروەخوەیی لە ساڵ ٢٠١٧.