شەفەق نیوز/ پۆلیس حاجیاوا لە پارێزگای سلێمانی، ئمڕوو یەکشەممە، راگەیان  دو کەس دەسگیرکردنە لەوەخت پاشام لە ناحییەی حاجی ئاوا،  تواستنە لەوەڕ ئاژەڵ بدزن. 

پۆلیس لە بەیاننامیگ راگەیان، لەدویای وەرگردن زانیاری و وە دویاچگن هویرد هێزەیلمان لە بنڪەی پۆلیس ماکۆك لە ناحیەی حاجیاوا، ساعات 4 شەفەق توەنستن دوڪەس لەمەوقەی دزیڪردن لە ناو تەویلەی ماڵاتەیلە لە ناحیەی حاجیاوا دەستگیربکەن وە ناوەیل (ش، ع، س) لە داڵگبوی ساڵ 1988 و  ( ف، س، ت) لە داڵگبوی ساڵ 1980 ک خەریڪ دزین لەوەڕ و گەنم و کەی خاوەن ئاژەڵیگ بوین و دەسنریا وەبان ئەو ماشینەی وەکاری هاوردوین لە تاوانەگە. 

دویای لێڪۆڵینەوە وەگەردیان لەوەردەم دادوەر و پۆلیس تومەتبارە ناوبریاگەیل دان نان وەو تاوانەگە و  جەن تاوانتریگ ڪ مەوقەیل جیا جیا لە گوزەشتە لە هەمان شوین دیارکریاگ ئەنجامیاندانە، دادوەر بڕیاریدا وە بەندکردن تۆمەتبارەیل وە گورەی ماددەی 443 و لیڪۆڵینەوە وەگەردیان وەردەوامە.