شەفەق نیوز/ ئومێد خۆشناو پارێزگار هەولێر پایتەخت هەرێم کوردستان، ئمڕوو شەممە، راگەیان کە ئەوەسا وە خەرج پەنج ملیۆن و ٣٠٠ ملیۆن دینار عراقی، بازاڕەگە دووارە خاسەو کریەێد، و وەگەرد بانک "جيهان" رەسینەسە رێککەفن ئەرا قەرز بی سوودبردن ئەرا ئەوانەگ قەرز خوازن.
خۆشناو لە قسەیلی ئەرا رووژنامەنویسەیل وت: وەداخەو کە لە سەرتای مانگ ئایار گوزەشتە، بەشیگ لە بازاڕ قەیسەری لە هەولێر سزیا، و زەرەد گەورەیگ وەپی رەسیە.
وتیش: رەسیا وە رێککەفتن وەرد بانک "جيهان" لە هەرێم کوردستان ئەرا پیشکەشکردن قەرز وەبی سوودبردن ئەرا ئەو بازرگانەیلە کە قەرزکردن پویل خوازن، و وتوەنت سەردان پارێزگای هەولێر بکەن، ئەرا قەرزکردن.
خۆشناو وتیش: وەگورەی بودجەی پارێزگای هەولێر، ئەوەسا وە خەرج ٥ ملیار و ٣٠٠ ملیۆن دینار بازاڕ قەیسەری دووارە خاسەو کریەێد، و ئەو شوینە کە کەفنە وەر رویداو ئاگر دوو بەشە، یەکیگیان ئاسەواریە و ئەوەکە نووە، ئەراوە پلان دانایمن ئەرا خاسەوکردن بەشە نووەگە لەساڵ ٢٠٢٤ کە وەرجەیە نووەو نەکریاس، لەوەر قەیران دارایی.