شەفەق نیوز/ جیگر سەرۆک وەزیرەیل ئەرا کاروبار وزە، وەزیر نەفت حەیان عەبدولغەنی، ئمڕوو یەکشەممە، وە سەرۆکایەتی شاندیگ لە حکومەت هەرێم کوردستان رەسیە بەغداد پایتەخت.
شاند حکومەتی کورد، هەر لە کەمال محمد وەزیر سامانەیل سرووشتی وە جینشینی، ئومێد سەلاح سەرۆک دیوان ئەنجومەن وەزیرەیل هەرێم کوردستان، فارس عیسا سەرۆک نوینەرایتی حکومەت هەرێم کوردستان لە بەغداد لەناوی بوین.
وەلایەن حکومەت فیدڕاڵی، هەر لە جینشین وەزارەت نەفت ئەرا کاروبار دراوردن، جینشین وەزارەتەگە ئەرا کاروبار بەشەوکردن، وەڕیەوبەر گشتی کۆمپانیای فرووشتن نەفت، خانمە وەڕیەوبەر گشتی فەرمانگەی ئابووری ویاسایی، وەڕیەوبەر نویسینگەی راگەیانن و پەیوەندی حکومەتی، وبڕیگ لە وەرپرسەیل لە فەرمانگەیل پەیوەندیدار ئامادەی گردەوبوینەگە بوین.
وەگورەی بەیاننامەیگ رەسیە ئاژانس شەفەق نیوز، لەو گردەوبوینە باس میکانزمەیل نوو ئەرا هەناردەیل نەفت هەرێم کوردستان کریا، دویای ئەو بڕایرە ک لە دەسەی ناوجیکردن لە ژوور بازرگانی ناودەوڵەتی م لە رووژ پەنجشەممەی گوزەشتە دەرچگ.