شەفەق نیوز/ وەڕێەوبەرایەتی هاتوچو دەربەندیخان لە هەرێم کوردستان، ئمڕوو شەممە، باس پلیان ماشینیگ بارهەڵگر گەورەیگ کرد، وەبی زەخمداری.
وەڕێەوبەرایەتیەگە لە بەیاننامیگ رەسیە ئاژانس شەفەق نیوز وت: ماشین گەپیگ لەدەس رانندەگەی دەرچگ، ک لەبان ری ناوبەین قەزای دربنديخان و پارێزگاری سلێمانی پلیا، وەبی زەخمداری.
پەیامنێر ئاژانس شەفەق نيوز لە سلێمانی ئۊشێد: رووداو ئاگر ماشینەگە و سزیان شەش ماشینتر رووژ پەنجشەممەی گوزەشتە هیشت تونێل دەربەندیخان بوەسیەێد، ک ناچار رانندەیل کرد روی وە ریەیلیگ وە بان کۊەیل بکەن، ک ئی ریەیلە ئەرا ماشینە گەورە و درۊژەیل ئاسان نییە.