شه‌فه‌ق نيوز/ فه‌رمانگه‌ى وه‌رگرى شارستانى له پاريزگاى دهۆك له هه‌رێم كوردستان، ئامار سزاننه‌يل زه‌ويه‌يل كشتوكاڵى ده‌رخست و ئاماژه وه دامه‌زرانن تيمه‌يليگ كرد ئه‌را كوشاننه‌وه‌ى.
له‌ى باوه‌ته‌و، بێوار عه‌بدولعه‌زيز وه‌رپرس ره‌سانن فه‌رمانگه‌ى وه‌رگرى شارستانى له پاريزگاى دهۆك ئه‌را ئاژانس شه‌فه‌ق نيوز وت: فه‌رمانگه‌گه له سه‌ره‌تاى ئمساڵه‌و تا سه‌ره‌تاى ئى مانگ حزه‌يرانه 547 روياگه ئاگركه‌فتنه‌وه‌و سزانن جياجيا له سه‌رجه‌م پاريزگاگه تۆمار كردگه، له‌ليان ئاگر وه‌رداين له 15 دۆنم له خاك خه‌له‌ى گه‌نم له ناحيه‌ى قه‌سرۆك له خوه‌رهه‌ڵات دهۆك.
باس له‌وه‌يش كرد فه‌رمانگه‌گه تيمه‌يليگ ئه‌را كوشاننه‌وه‌ى ئاگر دامه‌زرانگه و جيگيرن له ناوچه‌يل نزيك له كێڵگه‌يل خه‌له‌و خه‌رمان گه‌نم جويه له‌سه‌رجه‌م پاريزگاگه، بيجگه تيمه‌يليگ جوور ده‌وريه‌ى جيوازبوێ له حاڵه‌ت كه‌فتنه‌وه‌ى ئاگره‌يل گه‌ورا.
يه‌يش ده‌رخست ك 30 تيم وه‌رگرى شارستانى تايبه‌ت وه ئاگركوشنه‌وه دامه‌زريانه له شوونه‌يل نزيك له كێڵگه‌يل گه‌نم و جويه له سه‌رجه‌م پاريزگاگه، بيجگه دامه‌زرانن 10 تيم تر له‌وه‌ر حاڵه‌ت ئاماده‌باشى ئه‌را روێ وه‌ڕوێ بونه‌وه‌و ده‌سميه‌تداين تيمه‌يل تر له كوشاننه‌وه‌ى ئاگره‌يل گه‌ورا.