شەفەق نیوز/ وەڕێەوبەرایەتی گشتی کەشوهەوا و رەوانگەی زەۊیلەرزە لە هەرێم کوردستان، ئمڕوو شەممە،  راگەیان رەسین شەپۆل هەوای سەردیگ ئەرا هەرێم،  ئەوەسا پلری گەرمی لە ناوچەیل هەرێم کوردستان وە شیوەی گەورەیگ داوەزنێد، بیجگە گەرمیان.     

وەڕێەوبەرایەتیەگە لە بەیاننامەیگ رەسییە ئاژانس شەفەق نیوز وت: شەپۆل هەوای سەردیگ ئمڕوو رەسێدە هەرێم کوردستان،  و ئەوەسا پلەی گەرمی لە گشت ناوچەیلە وە شیوەی وەرچەویگ داوەزنێد.    

بەیاننامەگە وتیش: پلەی گەرمی لە مەوقەی شەوانە رەسێدە خوار سفر، و پلەی گەرمی لە ناوچەی گەرمیان لەو ناوچەیل تر بەرزتر بوود.       

بەیاننامەگە وتیش: ئەو شەپۆل سەردە ئەوەسا تەم خەسیگ دروس کەێد ک ئاست نووڕین کەمەو کەێد،  وتیش: شەپۆلە سەردەگە تا سێ رووژ وەپی چوود.