شەفەق نیوز/ وەزارەت تەندروسی لە حکومەت هەرێم کوردستان، ئمڕوو دووشەممە، تویشهاتن  تەنیا ٢٣ کەس  وە ڤایرۆس کۆرۆنا لە ماوەی ٢٤ سەعات گوزەشتە راگەیان،  وەگەرد توومارنەکردن هویچ مردنیگ ئەرا بیس وسێیەم رووژ لەبان یەک.   

وەزارەتەگە لە بەیاننامیگ رەسیە ئاژانس شەفەق نیوز وت " تاقیگەیلی وەماوەی ٢٤ سەعات گوزەشتە ١٩٢٥ وەشکین ئەنجام دانە، لەناویان تویشهاتن ٢٣ کەس وە ڤایرۆس کۆرۆنا ئاشکرا کریا، لە نشانەیگ ئەرا داوەزین گەورەیگ لە شمارەی تۊشهاتنەیل.   

بەیاننامەگە وتیش: لە خود ماوەگە ٤١ بیمار لە پەتاگە خاسەو بوین، و یە ئەرا بیس وسێیەم رووژە لەبان یەک هویچ مردنیگ وە ڤایرۆسەگە توومار نەکریا.   

بەیاننامەگە وتیش؛ گشت شمارەی ئەو بیمارەیلە ک کەرەنتین کریانە رەسیە ٢١٨٧١ کەس، گشتیان خاسەو بوین و لەکەرەنتین دەرچگن، و تاقیگەیل وەزارەتەگە ٤٢٢٧٤٦١ وەشکین ئەنجام دانە، تویشهاتن ٤٣٧٩٩٤ کەس ئاشکرا بویە،  ٤٣٠١٠٦ لەلیان خاسەو بوینە، و٧٤٥٠ مردنە.