شەفەق نیوز/ شمارەیل وەزارەت تەندروسی لە حکومەت هەرێم کوردستان، ئمڕوو چوارشەممە، داوەزین تۊشهاتنەیل ڤایرۆس کۆرۆنا و بەرزەوبۊن مردنەیل لە ماوەی ٢٤ سەعات گوزەشتە نشان دان.
وەزارەتەگە لە بەیاننامەیگ رەسیە ئاژانس شەفەق نیوز وت: تاقیگەیل وەزارەتەگە لە ماوەی ٢٤ سەعات گوزەشتە ٦٧٠٠ وەشکین ئەنجام دان، لەناویان تۊشهاتن ٩٤٣ کەس لە گشت ناوچەیل هەرێم کوردستان ئاشکرا بۊ.
بەیاننامەگە وتیش: لە خود ماوەگە ١٥٥٣ بیمار لە پەتاگە خاسەو بۊن، وەرانوەر ١٢ مردن.
بەیاننامەی وەزارەتەگە باس گشت شمارەی ئەو کەسەیلە کرد ک لە ماوەیل گوزەشتە کەرەنتین کریانە رەسیە ٢١ هەزار و ٨٧١ کەس، گشتیان خاسەو بۊنە.
وەزارەتەگە وەگشتی سێ مەلیۆن ٢ ٩٣١ هەزار و ٤٨٤ وەشکین ئەنجام داگە، لەناویان ٢٤٢ هەزار و ٨٦٧ تۊشهاتن ئاشکرا کریایە، ٤٠٣ هەزار و ٩٠٦ لەلیان خاسەو بۊە، و ٧٣٢٤ مردنە.