شه‌فه‌ق نيوز/ وه‌ريه‌وبه‌رايه‌تى ئاسايش خوه‌رئاواى سلێمانى له هه‌رێم كوردستان، ئاشكراى ئه‌وه كرد له دريژه‌ى هه‌وڵه‌يلى ئه‌را ده‌سگيركردن كه‌سيگ تومه‌تبار ك په‌يوه‌ندى وه ريكخرياگ تيرۆريستى داعشه‌و داشتگه، تويه‌نستنه داعشييگ ده‌سگير بكه‌ن ك له نه‌ينه‌وا مه‌شق چه‌ك و سه‌ربازى وه‌پى كرياگه.
وه‌ڕيه‌وبه‌رايه‌تيه‌گه له به‌ياننامه‌يگ ك شه‌فه‌ق نيوز ئاگادارى بوێ وت: ئه‌را ده‌سگيركردن ئه‌وانه‌گ په‌يوه‌ندى وه داعشه‌و داشتنه، هيزه‌يلمان له هه‌وڵه‌يليان كه‌سيگ وه‌ناو "س.ع.ع" ده‌سگير كردنه و ده‌ركه‌فگه ك په‌يوه‌ندى وه ريكخرياگ ترۆريستييه‌و داشتگه.
به‌ياننامه‌گه هه‌ميش وت: دوياى په‌يجوورى وه‌ليا، ناوبرياێ دگان وه ئه‌وه ناگه ك ساڵ 2015 په‌يوه‌ندى وه رزه‌يل داعش كردگه و مشق چه‌ك و سه‌ربازى وه‌پى كرياگه له يه‌كيگ له سه‌ربازگه‌يل ئه‌و ريكخرياگه له نه‌ينه‌وا.